جدید پنجابی شاعری
بے دردا! میرے ہنجواں دی گئی ساری عادت تیرے تے
نہ تُو ای روکیاں رُکدا سئیں نہ اے ای روکیاں رُکدے نے
کجھ کلیاں ساڈے پیار دیاں کجھ پُھل ای ساڈیاں سدراں دے
میں صادق اکھیں ویکھیا اے اج قبراں تے پئے سکدے نے
میں تے گل ای گھٹ چھڈیا سی جمدیاں ایناں چاہواں دا
اج وی میرے سینے دے وچ نکیاں نکیاں قبراں نے
موت میری دا سنڑ کے صادق گھر گھر دے وچ شور پیا
میرے اپنے سجنڑاں تیکر پہنچ نہ سکیاں خبراں نے
ایس ایم صادق
(شیخ محمد صادق حسین)
No comments:
Post a Comment
Note: only a member of this blog may post a comment.