جدید پنجابی شاعری
حمد عالمِ حُسن و جمال دی اے
عاشق ہین جس دے روا دار سائیں
گھونگھٹ میم دا گھت کے مُکھڑے تے
چُھپیا وچ پردے پردہ دار سائیں
پایا بھید مخفی بھید یار وچوں
کیتا شہرتاں نے آشکار سائیں
لے کے میم امانت دی اُٹھ ٹُریا
رازدار کولوں رازدار سائیں
رکھے ننگ ناموس ہماتڑاں دے
پردے پوش ستّار غفّار سائیں
او گنہ گار فقیر دے ساز اندر
تار تار بولے بخشنہار سائیں
ڈاکٹر فقیر محمد فقیر
No comments:
Post a Comment
Note: only a member of this blog may post a comment.