جدید پنجابی شاعری
سوہنا دیساں اندر، دیس پنجاب نی سیو
جیویں پُھلاں اندر، پُھل گُلاب نی سیو
رل مل باگیں پینگھاں جُھوٹن کُڑیاں ناگر ویلے
جوش جوانی ٹھاٹھاں مارے لشکن ہار حمیلاں
پہنن ہیرے موتی، مُکھ مہتاب نی سیو
سوہنا دیساں اندر، دیس پنجاب نی سیو
ہیر شہزادی بیڑی بیٹھی، سیاں کھیون پیاں
چند دوالے تارے چمکن، ہیر دوالے سیاں
جھلی جائے ناہیں اوہدی تاب نی سیو
سوہنا دیساں اندر، دیس پنجاب نی سیو
بابو فیروز دین شرف
No comments:
Post a Comment
Note: only a member of this blog may post a comment.