جدید پنجابی شاعری
اسیں روندے وکھرے بہہ کے
ساڈی سب توں وکھری گل
ساڈی ساڈے نال نہ بنڑدی
اسیں آپ نئیں اپنے ول
اسیں بجھیاں سب بُجھارتاں
سانوں ہور نہ ایویں چھل
ساڈا خون ہجر نچوڑدا
ساڈے مسئلے دا نئیں حل
ساڈے اندروں گونج نہ جاندی
ساڈی رگ رگ وجدے ٹل
اسیں عشق نبھاون ٹُر پئے
ساڈی جیوندیاں لیہہ گئی کھل
ساڈے پَیر نے لہو لہان
سانوں یار پیا آکھے چل
پُنن لے سسّی دی سار
شالا وسّے تیرا تھل
ساڈی منزل اوکھی بیلیا
توں ساڈے نال نہ رل
نوید ناظم
No comments:
Post a Comment
Note: only a member of this blog may post a comment.