موتیا، چمیلی بیلا کیتکی دھریک

جدید پنجابی گیت

موتیا، چمیلی، بیلا، کیتکی، دھریک

پُھل تارا مِیرا، سرہوں تے پھُلائی دے

کیسو، کچنار، نی شرینھ، تے املتاس

تیرے لئی کھیتاں وِچ اگائی دے

کیتکی دا پُھل تیرے کیساں وچ لاواں

ویکھیں ڈِگے نہ خیال ذرہ رکھ نی

کاشنی جیہے رنگے نی دھریک والے پُھل

تیری چُنی تے لاواں سوا لکھ نی

چری دیاں سِٹیاں دا بنوں گا پراندا

پُھل سنھ والے گوٹیاں نوں لائی دے

السی دے پُھلاں دے بنا لواں گے گجرے

نی ہار، ٹِکا، جھانجراں تے بُندے نی

کنکاں دے سِٹیاں دے بنو گے کلپ

میں اُڈیکداں سُنہری کدوں ہوندے نی

میڈھیاں گندھا کے، چُنی گَل وِچ پا کے

نی اے جان جان لوکاں نُوں وکھائی دے

کِکراں دے پُھلاں دا، نمانیاں دا مان رکھیں

اک، دو مندیاں بنا لویں 

مِٹھے مِٹھے پُھل نے سفیدیاں تُوں کری جاندے

چُک کے ہونٹاں دے نال لا لویں

ٹانہی اُتے لگیاں دا مُلھ پوندے لکھاں

نی زمین تے ڈِگے دے مُلھ پائی دے

مروے دا بُوٹا اک لایا اوہدے اُتے

سوہنے ہتھاں نال پانی چھڑکا جا نی

لہنگا بنوایا لاج ونتڑی دا دیکھیں

ہے گا میچ ذرا پا کے تاں وکھا جا نی

کاہی دِیاں دُمبیاں دی جھالر بنا کے نی

ایہہ چَیت دیاں دُھپاں وچ پائی دے

بُوٹا گُل مُہر دا لگاواں گے جدوں

تُوں اوہدے پُھل پُھلکاری اُتے لائیں نی

گلاں ناری کرتی تے چِٹے پُھل پانے

جے تُوں تن چار دِناں لئی آئی نی

جانا پینا فیر سانوں مالوے دے ول

کہ دوآبے وِچ پُھل نی کپاہی دے

چھلی دے سنہری وال کلغی نُوں لاواں گے

تے دانیاں دا بن جاؤ گا داج نی

آپے رنگ لواں گے گُلابی چیرے چُنیاں

تے سُرما وی پا لئو سرتاج نی

جیہڑی رُتے پُھل لگے آساں والے بانس نوں

سپنے وی اوہدوں ہی ویہائی دے

ستندر سرتاج