جدید پنجابی شاعری
بس اک واری
اک واری بس اک واری، میرے جیوندیاں
بس اک واری
مینوں کر لین دے جو میرا جی کردا
بس اک واری
میتھوں اپنے ظلماں دا ہتھ چک لے
پچھے ہٹ جا
اک واری، بس اک واری
مینوں میری قسمت دا مالک بن لین دے
مینوں پتا اے
تیتھوں چنگا کر سکنی ہاں
مینوں میری قسمت دے فیصلے کر لین دے
کلیاں چھڈ دے مینوں کلیاں
بس اک واری
ایس عذاب توں لنگھ لین دے
جہدا توں شکار
اک واری، بس اک واری
پتا لگ لین دے
کیہ ہندی اے حاکمی
نہ کریں انکار
اک واری، بس اک واری
پتا اے مینوں میں کر لاں گی
حاکمی کرنا کہڑا مشکل
جہدے دو ہتھ تے اک دماغ
اوہنوں آپوں وی کجھ کر لین دے
اک واری، بس اک واری
تیرے کولوں وی تے نہیں ہوئی
تیرے ہندیاں میں تے مُک موئی
لالچ، خوف تے جہالت ہن مر لین دے
اک واری، بس اک واری
چھڈ دے ایہ حاکمی چھڈ دے
میں کہڑی نال لے جانی ایں
ایہہ تے ہے ای خصماں نوں کھانی ایں
ہن تے چھڈ دے گھرکی جوگیا، ساہ لین دے
اک واری، بس اک واری
آپوں اپنی حاکمی کر لین دے
شگفتہ گمی لودھی
No comments:
Post a Comment
Note: only a member of this blog may post a comment.