جدید پنجابی شاعری
کسے دی بھال وچ پے کے کھہا بیٹھے کُھرا اپنا
اسیں کی ہاں تے کہڑے ہاں کی ہن دَسیئے پتہ اپنا
تِرے مِلن توں پہلے وی میں تارے گِنڑدا رہندا ساں
تِرے مِلن توں مگروں وی ہے اوہی رت جگا اپنا
پتہ سی جھکھڑاں دے کارنامے دا، تے مُڑ کاہنوں
میں نازک شاخ اُتے پا لیا سی آلھنا اپنا
تِرے پیریں وی کنڈے نے، مِرے پوٹے وی زخمی نے
مِرا دارو وی ہو جاسی، اپا کر دوستا اپنا
بڑا حیران ہوواں گا، میں کس رنگن چ آیا واں
پچھاتا ای کہ نئیں خبرے، بخاری آں تِرا اپنا
تنویر بخاری
No comments:
Post a Comment
Note: only a member of this blog may post a comment.