جدید پنجابی شاعری
سانوں کیہ دنیا دی لوڑ
سانوں سانول لکھ کروڑ
سانوں دُکھڑے کرن سلام
سانوں سُکھاں دی نئیں لوڑ
ساڈی چُپ ڈھاڈی مجبور
ساڈی اکھیاں پاون شور
اسیں اُڈئیے وانگ پتنگ
ساڈی سانول دے ہتھ ڈور
ساڈے دل دے اندر ککھ
ساڈی اکھیاں دے وچ روڑ
ساڈی چوری ہو گئی روح
ساڈے اندر پھردے چور
اسیں تپئیے وانگ تندور
ساڈے سینے پیندی سوڑ
ساڈی اکھیاں وی چھم چھم
سانوں کیہ جھانجھر دی لوڑ
اسیں زین دُکھاں دے پِیر
سانوں سُکھاں نال نہ جوڑ
زین شکیل
No comments:
Post a Comment
Note: only a member of this blog may post a comment.