جدید پنجابی شاعری
خراج عقیدت بر قائداعظم محمد علی جناح
تیری یاد ستائے بابا
باغ توں آپ اگائے جیہڑے
بیجے آپ بیائے جیہڑے
پُھل نیں او کرمائے بابا
تیری یاد ستائے بابا
ڈھاندی اے جد ہمت ڈھیری
آوے تیری یاد بتھیری
آپ کمائی دولت تیری
جد کوئی سادھ چرائے بابا
تیری یاد ستائے بابا
دھوکھا جد کوئی پائے جھولا
دِسنا ایں توں ہوندا ہولا
بھکھے جد پاندے رولا
رون جدوں تریہائے بابا
تیری یاد ستائے بابا
ڈاکٹر فقیر محمد فقیر
No comments:
Post a Comment
Note: only a member of this blog may post a comment.