جدید پنجابی شاعری
تینڈے ناں دی روز چنبیلڑی
مینڈے سُکّے سینے جاگدی
تینڈے سورج نال سویلڑے
تینڈے ویڑھے کھیڈدے ویلڑے
نِت ہولی ہولی کھولدے
مینڈے ساہواں وجّی تاکڑی
تینڈی نیلی ساوی چُنیاں
تینڈے ہوٹھیں کِھڑدی چمیاں
آ دور سمندر رُنیاں
تینڈے ساہواں پانی گیڑیا
دِن اوکھا آن سہیڑیا
مینڈی رات اداس اکیلڑی
مینڈا بستر پَینڈے ٹوردا
میں سُتا ہور دے ہور دا
مینڈے پِنڈے اندر بھوندئیے
مینڈے خاباں دے وچ روندئیے
نی بُوہا بند کریندئیے
مینوں تھوڑا ہور اُڈیک
محمود اعوان
No comments:
Post a Comment
Note: only a member of this blog may post a comment.