جدید پنجابی شاعری
آ رانجھن لولاک وے رانجھن
ہار شنگھار کیہے تیں باجھوں
بھٹھ پوے پُوشاک وے رانجھن
آ رانجھن لولاک وے رانجھن
نہ رج تخت ہزارا تکیا
نہ کھیڑے دی جھاک وے رانجھن
آ رانجھن لولاک وے رانجھن
”عرش منور بانگاں ملیاں“
کنب گئی تھر تھر خاک وے رانجھن
آ رانجھن لولاک وے رانجھن
آنڈھ گوانڈھ فرشتیاں دے گھر
میں اندر ناپاک وے رانجھن
آ رانجھن لولاک وے رانجھن
کھا گئے عمر ایانے ساری
اُنگلاں چٹ گئے چاک وے رانجھن
آ رانجھن لولاک وے رانجھن
چھنڈ کے جِسم گنگا توں پرتے
سید بن گئے ساک وے رانجھن
آ رانجھن لولاک وے رانجھن
وحشت روز زمین تے اُترے
گُم سُم جے اَفلاک وے رانجھن
آ رانجھن لولاک وے رانجھن
علی ارشد میر
No comments:
Post a Comment
Note: only a member of this blog may post a comment.