پنجابی سرائیکی شاعری
بھانویں گھر وچ ہاں یا سفر وچ ہاں
میں جتھاں ہاں تیڈی نظر وچ ہاں
بے خودی بے خیال بے خبری
میں اتھاں وی تیڈی خبر وچ ہاں
ہاں ازل توں زوار زلفیں دا
لیلت القدر دی قدر وچ ہاں
انت آ ملساں ول اونویں تیکوں
میں اجاں تیڈی رہ گذر وچ ہاں
پیش ہاں عشق دی عدالت وچ
زیر وچ ہاں نہ میں زبر وچ ہاں
زلف در زلف شام وچ وسداں
ہر نسردی ہوئ سحر وچ ہاں
بارھوں بارھوں عزیز شاہد ہاں
اندری اندر تیڈے اثر وچ ہاں
عزیز شاہد
No comments:
Post a Comment
Note: only a member of this blog may post a comment.