جدید پنجابی شاعری
پہلا دُکھ اے پہلا رونائے
رب ای جانے کِنّا رونائے
تیری چُھٹی مُک جانی اے
میں فِر پورا ہفتہ رونائے
اوہدا دل ای پتھر دا اے
اوہدی اکھ نے گھٹّا رونائے
اسیں تناسب رکھیا ہویائے
تھوڑا ہسنا!، بوہتا رونائے
روون بہہ جو گئے آں لالا
کاہنوں کر کے صَرفا رونائے
جہڑا وِچھڑن لگیاں خوش سی
اوہدے لئی فِر کاہدا رونا اے
اکرم ریحان
No comments:
Post a Comment
Note: only a member of this blog may post a comment.