جدید پنجابی شاعری
آپنڑے نال دے دو چار بنڑا
کملیا!، نہ اُچے یار بنڑا
عاشقاں کدوں مزدوریاں کِیتیاں
عشق پال، یا گھر بار بنڑا
ایویں انہاں مُکنڑا کوئی نی
خاہشاں اگے دیوار بنڑا
کشتی دی اوقات نئیں تینڈی
سجنڑ نہ دریا تُوں پار بنڑا
روز نہیں ساتھوں رویا ویندا
پِیڑ نوں آکھو اتوار بنڑا
دنیا دالیوں تلے لیہ گئی اے
سوہنڑیا ربا! فر ہک وار بنڑا
میں سادہ واں میں ماریا وینڑا
مینوں آپنڑے جیا ہُشیار بنڑا
تینوں لوہے دی لوڑ چن کوئی نی
اکھ اچ سُرما پا، تلوار بنڑا
مینوں کالا آکھ کے دل نہ ساڑ
تُوں چٹاں تے نہ رشتے دار بنڑا
مصورا فرق ای تصویر دے وچ
مینڈی اکھ دے ہیٹھ انتظار بنڑا
میں گُلاب ساں تُوں کھوہ گِدا
ہُنڑ قبر تے سٹ بھانویں ہار بنڑا
آفتاب چکوالی
آفتاب احمد خان
No comments:
Post a Comment
Note: only a member of this blog may post a comment.