جدید پنجابی شاعری
سوٹی دے نال کاں اُڈاواں
گیت ہِجر دے سارے گانواں
اسماناں وَل تکدی جانواں
بِی پیار دا دل وِچ بَو کے
تیرے ناں حیاتی لانواں
سورج نکلن توں وی پہلاں
فصلاں نُوں میں پانڑی لانواں
اُنج تے چِٹّی اَن پڑھ ہاں میں
راتی بالاں نوں پڑھانواں
چنگی ماڑی وی سمجھانواں
میرے گھر دے گلدستے وِچ
ست بُوٹے نیں رب نیں لائے
محنت تے مشقت کر کے
سوہنڑاں مستقبل بنڑانواں
تاں جے ایہہ ست بُوٹے میرے
ہر تھاں پیار دے بُوٹے لاون
ہر اک ماڑے دے کم آون
میرے ناں نوں زندہ رکھن
زندہ تے پائندہ رکھن
جد وی میں دُنیا توں جانواں
جد وی میں دُنیا توں جانواں
رفعت انجم
No comments:
Post a Comment
Note: only a member of this blog may post a comment.