جدید پنجابی شاعری
گل وچ پھسّی چِیک اے حالے
اکھیاں وِچ اُڈیک اے حالے
کیہ پُچھدے او حال اساڈا
کیہ دَسیے بس ٹھیک اے حالے
وَیری تینوں فیر مِلاں گا
میرے نال شریک اے حالے
جو وی وَڈیاں بھیڑ سی کِیتا
مَتھے لگی لِیک اے حالے
میرے ہتھوں کاسہ کھو نہ
سخیا منگنی بھیک اے حالے
اک بھری اے جیون دی میں
دُوجی مرن فٹیک اے حالے
میں سُوئی دے نکیوں لنگنا
ہو کے ہور بریک اے حالے
آصف جانا پین سمندر
دریا تے اک ڈِیک اے حالے
آصف علی علوی
No comments:
Post a Comment
Note: only a member of this blog may post a comment.