جدید پنجابی ہندکو شاعری
قائداعظم تیرے جیا کوئی نا آیا ہور
جڑا پاک وطن دی گڈی دیندہ سدھی ٹور
تے تیرے بعد اس وطن نوں ملے بڑی شاہزور
کوئی جابر، کوئی غاصب، کوئی نکلے چور
قائداعظم تیرے جیا کوئی نا آیا ہور
تے کئی سالاں اندر جو جو رہبر آئے
سب نے آپڑی تقریراں نال سبز باغ دکھائے
تے سب نے ہی کیا لوگو تواڈے دن سنہری آئے
تے جنگل وچ نچد یا دیکھے کنے جاکے مور
قائداعظم تیرے جیا کوئی نا آیا ہور
تکدیاں تکدیاں راتوں راتی بنڑ گئے کئی امیر
ہو گئے کئی ملاں دے مالک، کوئی وزیر سفیر
تے پاک وطن نوں سب نے سمجھے دادے دی جاگیر
تے تیرے چاہنڑیں ولے پھر دے رہے زندہ درگور
قائداعظم تیرے جیا کوئی نا آیا ہور
کسے نا بدلی قوم دی حالت بدل دتے سب طور
نفسا نفسی خود غرضی دا ایسا چلیے دور
کہ صدق خلوص تے میر مروت گم ہوئے فلفور
عقلاں ولے اس مسئلے تے کردے رئے غور
قائداعظم تیرے جیا کوئی نا آیا ہور
ہوئیاں عام کلاشنکوفاں، گلی گلی ہر وین
ہک ہک کہار دے وچوں نکلے دو دو چیئرمین
تے بے چینی نوں لکھدا ریا راوی چین ہی چین
تے دب گئی وچ آواز غریب دی ایسا مچیا شور
قائداعظم تیرے جیا کوئی نا آیا ہور
ہک نے پائے محل دو محلے، ہک نوں ملے پلاٹ
تے ہک بچارا بووے اگے لٹکاندا ہی ریے ٹاٹ
تے لگی غریب عوام دے لہو دی جد ہونٹاں تے چاٹ
تے ہونڑے لگ پئی کھلی زیادتی، ودیا ظلم تے جو
قائداعظم تیرے جیا کوئی نا آیا ہور
آپس دے وچ لڑدیاں کلدیاں گزری ادھی صدی
آپڑی زمیں تے اج جینڑاں پے گئے ودو ودی
تے ترُو کسیٹ کے کر گزارا اوئے ساجد سرحدی
دیکھ متاں کبرا کے کدرے چھوڑیں پیا پشور
قائداعظم تیرے جیا کوئی نا آیا ہور
ساجد سرحدی
No comments:
Post a Comment
Note: only a member of this blog may post a comment.