کس نے دا ساز ایجاد کیتا

 کلاسیکی پنجابی ہندکو شاعری

کِس نَے دا ساز اِیجاد کیتا

چرخ چاڑھا کس نے خراد کیتا

کس دے درد نے صاحبِ فریاد کیتا

کس دی بنسری وچ سنسار وجدی 

جس نے چوب تراشی او نجار کیہڑا 

جس نے تار کیہڑی او لوہار کیہڑا

ایسے ساز دا ہیتھ اُستا کار کیہڑا 

جو بے چنگ ہر رنگ میں تار وجدی

کونڑ بولدا کونڑ بلاندا وے

کونڑ سنڑدا اے کونڑ سنڑاندا وے

کیہڑا جوگی ایہ لہرا وجاندا وے

جو بِن پُھوکیاں بین سُر دار وجدی

جس نُوں ہَر کہندے ہر گھات وِچ اے

ڈال ڈال وچ اے پات پات وچ اے

سائیاں آپ او ہر موجودات وچ اے 

جس دی نوبت اے شام و سحار وجدی

سائیں احمد علی