جدید پنجابی شاعری گیت
ذرا ٹھہر جا وے چوری چوری جان والیا
کجھ اسی وی آں چناں تیرے لگدے
تیرا ناء لے کے طعنے سُنے جگ دے
پہلا پہلا دُکھ میں وچھوڑیاں دا تکنا
تکنیاں راہواں میں تے لوکاں مینوں تکنا
ساڈے سینے بلّے بھانبھڑ اگ دے
تیرا ناء لے کے طعنے سُنے جگ دے
اک دل کرے تیرا راہ ڈک لاں میں
ایناں رج تکاں دُوجا ساہ وی نا لاں میں
تیرے ورگے پیارے کدوں لگدے
تیرا ناء لے کے طعنے سُنے جگ دے
حزیں قادری
فلم: یملا جٹ
No comments:
Post a Comment
Note: only a member of this blog may post a comment.