جدید پنجابی شاعری
اوہ تے جتیا جتایا میں ہاراں ہن کنج
جد دتی سی حیاتی میرا اوہدے نال چھنج
اوہ تے جتیا جتایا میں ہاراں ہن کنج
مینوں چُک چُک مارے دا کھیڈدا اے سارے
ہتھ پھڑ کے اٹھاوے ویندا لاہ لاہ ڈنج
مینوں ویلنے چہ ٹور کڈھ دیندا پکے روڑھ
مینوں دھر کے مشین وانگ روں دیندا پنج
راہ اپنی جے پھڑاں میں ڈِگ ڈِگ مراں
سدھی کر میری راہ، کہندا انج نئیں اِنج
جد چھنکن ساہواں وچوں نکلن ہاواں
مینوں دے دے تپ سارا پانی لیندا سِنج
اوس دتی تے میں جری میں تے ڈر، ڈر مری
اَج مر جد اٹھی، میں جِت گئی جِنج
شکیلہ جبیں
No comments:
Post a Comment
Note: only a member of this blog may post a comment.