جدید پنجابی شاعری گیت
دم نال دم بھراں گی رانجھیا وے
جیویں کہویں گا کراں گی رانجھیا وے
میرا جسم تے جان ایمان وی توں
میرا رب رسول، قرآن وی توں
سر قدماں تے دھراں گی رانجھیا وے
جیویں کہویں گا کراں گی رانجھیا وے
تیرے حُکم تے جان نثار کرساں
تینوں سوہنیاں رج کے پیار کرساں
تیرا پانی وی بھراں گی رانجھیاں وے
جیویں کہویں گا کراں گی رانجھیا وے
مُکھ موڑنا یار دا کم ناہیں
یاری توڑنا پیار دا کم ناہیں
تیرے نال میں مراں گی رانجھیا وے
جیویں کہویں گا کراں گی رانجھیا وے
دم نال دم بھراں گی رانجھیا وے
جیویں کہویں گا کراں گی رانجھیا وے
بابا گلزار صابری
فقیر محمد صابری چشتی
No comments:
Post a Comment
Note: only a member of this blog may post a comment.