جدید پنجابی شاعری
دل چوں دِید دا چاء نہیں جاندا
سوہنیا درس کرا نہیں جاندا
شک دے روگ دا دارُو کوئی نہیں
کِیتے بڑے اُپاء، نہیں جاندا
تیرا میرا ناں جس ورقے
اوہ ورقا پرتا نہیں جاندا
ہجر وچھوڑے نُوں اگ لگے
وصل دا چھٹا لا نہیں جاندا
لوکاں وِچ میں جا کے تکیا
کوئی کِسے نوں کھا نہیں جاندا
بھوئیں تے جہیڑا ظلم کریندا
بھوئیں وِچ سما نہیں جاندا
شوہ دی شِکر دوپہر تپے تے
آس دا پُھل کملا نہیں جاندا
سیک لواں جھٹ سِلھیاں یاداں
دُھونی آن دُھخا نہیں جاندا
اکھ دی سینتر مار حقیقی
گَل گُجھی سمجھا نہیں جاندا
اینے سُکھ تو کِیہ کرنے نیں
کُجھ وِچوں ورتا نہیں جاندا
صغرا صدف دے نال جو کِیتے
قول قرار نِبھا نہیں جاندا
صغرا صدف
صغریٰ صدف
No comments:
Post a Comment
Note: only a member of this blog may post a comment.