جدید پنجابی پوٹھواری پہاڑی شاعری
پونچھی پہاڑی چن مکھنا
دل مہاڑا تہواڑی راہ تکنا او مہاڑیا چن مکھنا
کہزو چھوٹی تو اچھنا او مہاڑیا چن مکھنا
بالو گائی تہ ہسنی نالے روئی تہ پچھنی
کیزو سہونا مکھڑا دسنا او مہاڑیا چن مکھنا
مہاڑی وہار تہ ساون روئی روئی پچھنے
کیزو ہلسا نی راہ دسنا او مہاڑیا چن مکھنا
ڈہری ڈہری تہ کالی رات مکنی نہیں اے
کیزو اچھی تہ لُو دسنا او مہاڑیا چن مکھنا
فر اشیشی ناخ تہ آرواڑے پکی پکی تہ ٹہینے لگے
عے میوے کدو اچھی چھکنا او مہاڑیا چن مکھنا
تو نوکری باعو کیتی وچ پردیسہ محنت کیتی
دیسہ نا ماہیئا کہزو گانا او مہاڑیا چن مکھنا
اگالی پچھالی چاقو والے ڈاکو پھریں لگے نے
انہی کولا کہزو جان چھڑانا او مہاڑیا چن مکھنا
امتیاز فہیم
No comments:
Post a Comment
Note: only a member of this blog may post a comment.