جدید پنجابی شاعری
دُکھ دا تٙنیا جال جہیا اے
پٙل وی جیویں سال جہیا اے
چار چوفیرے ہٙڑھ دا پانی
اندر جِنج بُھچال جہیا اے
لاشاں نے ہے بُو کھلاری
منظر اِک وبال جہیا اے
کھوبے اندر اِنج پیا جاپے
گار چ مٙریا بال جہیا اے
اجے وی چوری مٙلبے ہو رہیئے
رب دے ڈر دا کال جہیا اے
لوک کدوں کُو ربوں ڈرسن
میرا اِک سوال جہیا اے
غلام شبیر عاصم
No comments:
Post a Comment
Note: only a member of this blog may post a comment.