رسیمے کوں جے گل دا پھا جاندا ہے

 پنجابی سرائیکی شاعری

رسیمے کوں جے گل دا پھا جاندا ہے

مناونڑ دا او راستہ جاندا ہے

سبھے وعدے کر کے بھُلا ڄاندا ہے

محبت دے بارے او کیا جاندا ہے؟

میں ہر آندے ویندے دے ہتھ پیر چُمساں

جیرہا وی تیڈے گھر دا راہ جاندا ہے

کینویں ہجر وچ مر کے جیون کرِیندے

اے جند جاندی ہے یا ساہ جاندا ہے

اوندے واسطے میں بھلے لوک چھوڑِن

اجاں وی او میکوں بُرا جاندا ہے

ایں دنیا تے جیِندا اوہو شخص ہے جو

تیڈی شکل تیڈا الا جاندا ہے

زمانے دی خاطر میکوں رول چھوڑئی

زمانہ تیڈا مرتبہ جاندا ہے؟

صباحت عروج