کلاسیکی پنجابی ہندکو شاعری
ہندکو دی ووہٹی دا سائیں
ب۔ بزم ہے ہک دے دیوانیاں دی
عیش ماتم ہے اُناں پردھانیاں دی
رکھدے سارے تاثیر پروانیاں دی
تو مت سمجھ بے ہوش بیکار وجدی
خبردار بے ساز نہ ساز ہووے
بول بول وچ اُسی دا راز ہووے
گت گت وچ راز و نیاز ہووے
جس دے حال وچ نَے مست وار وجدی
مکے گُر اُتے جہیڑی گت ہووے
او لاہیے نہ جہیڑی بے مَت ہووے
گت وگڑیآں متے کپت ہووے
تار تار بی تا خبردار وجدی
تار تار، سِتار سِتار بولے
نہ بے تار ستار دی تار بولے
تار رار سائیاں لگاتار بولے
ایسی مطربا! چھیڑ کوئی تار وجدی
سائیں احمد علی
No comments:
Post a Comment
Note: only a member of this blog may post a comment.