جدید پنجابی شاعری
آس دی بتی بالی رکھ
اپنی سوچ مثالی رکھ
رُکھ دھرتی دا گہنا نیں
سوچاں وچ ہریالی رکھ
مٹھے بول دا مینہ ورسا
ہر پاسے خُشحالی رکھ
لوبھاں دا نہ قیدی ہو
میں اپنی نوں ٹالی رکھ
اکو در دا بردا بن
پیکر اک مثالی رکھ
لا آساں دا بُوٹا اک
خُشیاں ﮈالی ﮈالی رکھ
ہجر چ اتھرو ﮈگن دے
اکھاں دے وچ لالی رکھ
کسے دے سُفنے ٹُٹن نہ
عنبر مان سنبھالی رکھ
سعدیہ عنبر جیلانی
No comments:
Post a Comment
Note: only a member of this blog may post a comment.