پنجابی سرائیکی شاعری
کافی
تریمت انہاں کوں رب نئیں ڈسدی
تریمت انہاں کوں سب نئیں ڈسدی
کانڑیں کائنی اندھے ہن سئیں
مور انہاں کوں چور پئے لگدن
چور انہاں کوں مور پئے لگدن
صوفی کائنی بندے ہن سئیں
کانڑیں کائنی اندھے ہن سئیں
بہوں پرانڑیں گالہہ خدا دی
تھئی ہاں میں رن زال خدا دی
تہوں فرشتے گندے ہن سئیں
کانڑیں کائنی اندھے ہن سئیں
تسبیح پڑھ پڑھ گالہی تھئی ہاں
دیر توں ڈھیر اوبھالہی تھئی ہاں
مونجھ منجھاک پلندے ہن سئیں
کانڑیں کائنی اندھے ہن سئیں
جنڑیں تھیوے پری سہیلی
زری کائنی زری سہیلی
یار بھتار بلندے ہن سئیں
کانڑیں کائنی اندھے ہن سئیں
ہر جاہ گاٹی چاتی بیٹھن
وڈے بکسے لاتی بیٹھن
ہتھ وچ تسبیح چندے ہن سئیں
کانڑیں کائنی اندھے ہن سئیں
مژدم خان
No comments:
Post a Comment
Note: only a member of this blog may post a comment.