پنجابی سرائیکی شاعری
کُوڑے لارے کیہڑے لیکھے
کِتھ ہِن سارے، کیہڑے لیکھے
جوڑ بنڑا کے آپ ونجیسی
مٹی گارے کیہڑے لیکھے
ساڈے لیکھے اوہو کینی
باقی سارے کیہڑے لیکھے
ہیراں لیکھے قبراں آئیاں
تخت ہزارے کیہڑے لیکھے
اوکوں ول ولوا نہیں سکدے
یار، سہارے، کیہڑے لیکھے
گالھ تاں ساری عزت دی ہے
کِھیسے بارے کیہڑے لیکھے
اللہ پیارے ٹور چھوڑئیے ہَن
ساڈے پیارے کیہڑے لیکھے
صباحت عروج
No comments:
Post a Comment
Note: only a member of this blog may post a comment.