جدید پنجابی ہندکو شاعری
ہندکو دے فروغ اچ تیرا وڈا کم فروغ
محفل دے وچ بلدی رووے تیری شم فروغ
جد بی تنوں پڑھنا واں میں شاد ہو جانا واں
دور ہو جاندین میرے کولوں سارے غم فروغ
تیرے صفحے دی زینت وسے رہسن میریاں لکھتاں
لکھدا رہسی تیرے واسے میرا قلم فروغ
لوکاں واسے قصے کہانڑیاں نالے نظماں غزلاں
میرے واسے علم و ادب دا جامِ جم فروغ
انہاں واسے ہک وڈی مثال بنڑ گئی اے ساحر
جیہڑے کہندے ایہہ نہ چلسی دو قدم فروغ
ساحر مصطفائی
No comments:
Post a Comment
Note: only a member of this blog may post a comment.