جدید پنجابی شاعری
اوہدے در توں ایس طرحاں وی کھٹی کھٹ کے آئے
آپے اپنیاں ریجھاں دی رج مٹی پٹ کے آئے
خورے کہڑی گل کرنی سی جاندی واری اوہناں
خورے کہڑی گلوں اینی دُوروں ہٹ کے آئے
ورھیاں پچھوں بھوں کے تکیاتے اوتھے دے اوتھے
اپنے ولوں عمروں لمے پینڈے کٹ کے آئے
لکھ چھڈیا اس موٹے لفظاں دے نل بُوہے اُتے
اس وستی ول جس وی آنا چپاں وٹ کے آئے
شہر ترے وچ سرمد سانوں ساہ وی لینا اوکھا
شہر ترے دے سارے موسم زہراں چٹ کے آئے
محبوب سرمد
No comments:
Post a Comment
Note: only a member of this blog may post a comment.