سن سنتالی دی اِک رات
قِسمتاں دی موت سی
لیکھاں دا پھیر سی
سہمیاں ہواواں سن
خُونی ہنھیر سی
ہوکیاں دے جوڑ سن
ہاواں دے بھیڑ سی
ٹوٹے سن تاریاں دے
چن نوں تریڑ سی
انبراں تے سوگ سن
بدلاں دے وین سی
لہو دیاں بارشاں چہ
بِھجے ہوئی نین سی
چیکاں دے ساز سن
ہاڑیاں دے گیت سی
میلاں تے ملاپاں والی
رُت گئی بیت سی
لہو نال بھریاں
کرُولیاں دی رات سی
وچھوڑیاں دی رات سی تے
سولیاں دی رات سی
لہو نال بھریاں
کرولیاں دی رات سی
ارشاد سندھو
سنتالی = 47
No comments:
Post a Comment
Note: only a member of this blog may post a comment.