جدید پنجابی شاعری
کیتا عشق نیں لِیرو لِیر
میں پِھردی آں وانگ فقیر
ما پے جد وی آندے یاد
ھوون اکھیاں نِیر و نِیر
تُوں ای دل وچ وسناں ایں
جے تکناں ای ایہنوں چِیر
میرے دل تے وجیا اے
تیری اکھ دا مِٹھا تِیر
صادق جعفر دھرتی دی
بدلن دیندے نئیں تقدیر
میں امبراں دی انجم آں
رانجھے دی میں نئیں آں ہِیر
دل تے چِیرے لگدے فِر
جد وی اکھ بدلاندے وِیر
رفعت انجم
No comments:
Post a Comment
Note: only a member of this blog may post a comment.