جدید پنجابی شاعری
اَگ وچ تاری لا کے انجم کی کھٹیا؟
سَپّاں دُدھ پِوا کے انجم کی کھٹیا؟
چنگا سی جے اِکو تھاں تے بہہ جاندی
اوہدے در تے جا کے انجم کی کھٹیا؟
کوئی وی سُندا نئیں اے تیری گلاں نوں
چیخ چِہاڑا پا کے انجم کی کھٹیا؟
رب دا ناں ایں رفعت بُوہا بند کر لے
اوہنوں کول بلا کے انجم کی کھٹیا؟
چنگا سی جے چُپ دی بُکّل وَٹ لیندی
اپنا درد سنا کے انجم کی کھٹیاِ
رفعت انجم
No comments:
Post a Comment
Note: only a member of this blog may post a comment.