جدید پنجابی کلام
مک جاون اے ہوکے ہاوے
سکھ دا ساہ کدی تے آوے
بے دردی دنیا وچ کوئی
کس نوں دل دا حال سناوے
دیس دے بھکے بھانے لوکی
مر جان آٹا ہتھ نہ آوے
ننگے سر بھیناں دیاں لیناں
حاکماں نوں غیرت نہ آوے
لٹ کے لے گئے ساری دولت
اے خلقت ہن کتھوں کھاوے
دولت دین ایمان ایناں دا
مرنا ایناں یاد نہ آوے
ربا فیر عمر کوئی آوے
گھر گھر بھکھیاں راشن ورتاوے
اے ویلہ ویکھن توں پہلاں
یار سعید مر کیوں نہ جاوے
ارشد سعید
No comments:
Post a Comment
Note: only a member of this blog may post a comment.