کلاسیکی پنجابی شاعری
بجهی عشق دی اگ نو واؤ لگی
سماں آیا ہے شوق جگاونے دا
بالناتھ دے ٹلے دا راه پهڑیا
متا جاگیا کن پڑاونے دا
یار ملے تاں شکر بجا لیائیے
کهیا وعده عمر گواونے دا
یارو آکھدے ہین بالناتھ جوگی
ول جاندا پار لنگھاونے دا
اک روز وچ پندھ کر گیا سارا
ایسا چا سی بھیس وٹاونے دا
نا امید ہویا دنیا داریاں توں
فکر لاہیا سو پهیر مڑ آونے دا
نالے آکھدا جے کرامات ہووے
نالے آکھدا کم بناونے دا
پٹے پال ملائیاں نال رکھے
وقت آیا ہے رگڑ مناونے دا
جرم کرم تیاگ کے تھاپ بیٹھا
کسے جوگی دے ہتھ وکاونے دا
بندے سونے دے لاه کے چاء چڑھیا
کن پاڑ کے مندراں پاونے دا
کسے ایسے گردیو دی ٹهل کرئیے
سحر دس دے رن کھسکاونے دا
وارث شاه میاں ایناں عاشقاں نوں
فکر ذرا نہ جند گواونے دا
وارث شاہ
No comments:
Post a Comment
Note: only a member of this blog may post a comment.