جدید پنجابی شاعری
کریں نہ ایتھے رُوپ دا مان
مُونہہ تے پیارے مِٹی پان
ویکھی جا دنیا دے رنگ
دنیا نوں اپنا نہ جان
عِشق دے اوکھے موڑ توں بچ
عشق اُجاڑے وسدے بھان
میریاں میری جھولی پَین
تیریاں تیرے اَگے آن
سپّاں دے پُت مِتّر ناہیں
سُنیا نئیں توں اے اکھان
واصف جِتّھے ہیرے بنڑدے
میں اوہ لَبھ لِتّی اے کھان
واصف علی واصف
No comments:
Post a Comment
Note: only a member of this blog may post a comment.