پنجابی گیت
کسے دا یار نا وچھڑے
ایس توں ڈاڈھا دُکھ نہ کوئی، پیار نہ وچھڑے
کسے دا یار نہ وچھڑے
روگ ہجر دا مار مُکاوے
سُکھ دا کوئی ساہ نہ آوے
دُکھ لاندے نیں دِل وچ ڈیرے
چارے پاسے دسن ہنیرے
دُنیا وچھڑے نہیں پرواہ
دلدار نہ وچھڑے
کسے دا یار نہ وچھڑے
ناگن وانگوں ڈنگدِیاں راتاں
پت جھڑ لگدیاں نیں برساتاں
ہنجواں ہار پروون اکھیاں
لوکی ہسدے روون اکھیاں
غم نہ ونڈدے نہیں پرواہ
غمخوار نہ وچھڑے
کسے دا یار نہ وچھڑے
پیار جنہاں دے پاون جدائیاں
رُل جاندے نیں وانگ شیدائیاں
رانجھے ورگے عشق دے روگی
کن پڑوا کے بن گئے جوگی
لکھ واری ایہہ کرو دُعا
اک وار نہ وچھڑے
کسے دا یار نہ وچھڑے
ایس توں ڈاڈھا دُکھ نہ کوئی پیار نہ وچھڑے
کسے دا یار نہ وچھڑے کسے دا یار نہ وچھڑے
خواجہ پرویز
No comments:
Post a Comment
Note: only a member of this blog may post a comment.