جدید پنجابی شاعری
ایڈی سوکھی گل نئیں ہوندی
چھیتی مشکل حل نئیں ہوندی
سویر دی آس نہ لَے کے آویں
سوہنیا ساڈے ول نئیں ہوندی
وٹا وجیا پانی دے وچ
ایویں تاں ہلچل نئیں ہوندی
شام ہجر دی آ جاوے تاں
اے جی شام ڈھل نئیں ہوندی
ساڈی کیہ طبیعت ربا
نال کسے دے رل نئیں ہوندی
آون والیا اج ای آوِیں
پیار دے وچ کل نئیں ہوندی
سچی گل تاں کہنی پیندی
بُلھاں اُتے ٹھل نئیں ہوندی
اے زندگی ول اے تمے والی
اے کوئی مٹھا پھل نئیں ہوندی
قاسم سرویا
No comments:
Post a Comment
Note: only a member of this blog may post a comment.