جدید پنجابی سرائیکی شاعری
پنڑی
کل اچانک سرِ راہ پنڑی ملی
چن دے وانگے چمکدی ہوئی تصویر ہئی
ینپ کے دامن الا نڑی ہے کُجھ ڈے کے وَنج
ڈھیر ساری نظردی او دلگیر ہئی
رکھ چوانی تلی تیں سوالی تھیاں
میڈا مالک کیوں کیتی اے تعمیر ہئی
اِیندا بوتا بنڑیندیں ونجا چھوڑیں ہا
دربدر جے رولنڑی ایندی تقدیر ہئی
میڈی بُوتھے تیں ہتھ ڈے کے آکُھس ولا
میڈے مالک دے بارے نہ اِینویں الا
اوندی حکمت ہے بالا تیڈی سوچ تُوں
اوندی قدرت تیں ناجائز تُہمت نہ لا
غرض کولوں بُری ہور کوئی چیز نئیں
غرض شیریں دے گاٹے بھنا ڈیندی ہے
غرض مجنوں جھئیں شاہیں کوں ڈے کے چکر
پیر کُتیاں دے اکثر چُما ڈیندی ہے
غرض صرفہ رکھیندی نئیں کہیں دا سجنڑ
جیڑھی چاہے اُوہا کر ڈکھا ڈیندی ہے
غرض غیرت دے سرکش غیوریں دی دھج
دُھوڑ دُددِنڑے دے اندر ملا ڈیندی ہے
غرض پوے ناں کہیں کوں کڈاہیں کہیں تونڑیں
غرص اوکھی وبَا ہے زمانے اُتیں
غرض دشمن ہے عزت و ناموس دی
غرض بُری بَلا ہے زمانے اُتیں
عشق سُونھاں نہ ہا جیرھے ویلھے میڈا
کیا میں ہامی اے دؤر و دَھر جانڑدے
لاتکائی دے ویڑھے دی ملکہ ہامی
شان میڈی اے سارا شھر جانڑدے
ناز نخرے ہمیشہ دے ہن ہم سفر
حُسن کتنا ہامی اے قمر جانڑدے
ویس میلا کڈا ہیں وی پاتا نہ ہم
عیش راحت دا گزریا پہر جانڑدے
بے وفا دِلربا چھوڑ کے ٹُر گیا
سُول حاوی تھیا ڈکھ مریندے وَدِن
پاک چاہت دے جذبے بنا دُوش دے
غیر قاتل دے قدمیں دَپِھیندے وَدِن
اے پِنڑ ہے بہانہ سنئیں گول دا
کہیں بہانیں اُو دِلدار مِل پُوے ہا
بھر گلتھا لھاواں ہا میں اپنڑی سِک
ڈیکھ میڈو او سونہڑاں وی کِھل پوے ہا
کیڑھی گالھُوں رُٹھا ہئیں ڈسَا تاں سہی
گال پُچھنڑ دا موقع نِکل پُوے ہا
کیویں غیریں اُڈارِن ہوائیں سجنڑ
ڈھول گزری وہانڑی سَوِل پوے ہا
کوڑ سچ دا نتارا کرن دے کیتے
روپ کئی کئی وٹیندِن میڈا دوستا
پیار منہ دا گھراں نئیں سمجھ گال کوں
یار اوکھے منیندِن میڈا دوستا
یاد یاد ہے جڈاں تئیں اُوں پُر ناز دِی
نین بھالیں دیاں بھالاں بھلیسِن وَدے
میڈے جذبات فُرقت دی زندان وِچ
بے گنُاہی دیاں قیداں کٹیسِن ودے
آپ اپڑی امنگیں دے جلاد تھی
دشت حسرت دا سینہ رنگیسِن ودے
شوق جانِ تمناں دی خاطر سدا
ذوق سُولی تے خود کوں ٹنگیسِن ودے
میڈے ساقی جڈاں واگ پھیری میڈو
اِینویں رُلساں آواری ناں بازار وچ
سِرتیں سایہ جو ہُوسی اوں لجپال دا
مست رہسَاں ہمیشہ میں گھر بار وچ
ساقی سمینوی
خادم حسین
No comments:
Post a Comment
Note: only a member of this blog may post a comment.