جدید پنجابی سرائیکی شاعری
خار پُھل دے چودھار ہوندے ہن
شاید پُھل دا حِصار ہوندے ہن
دل دے اندر کُئی جھاتی پاوے تاں
حسرتیں دے انبار ہوندے ہن
کہیں کہیں ویلھے تاں اینویں ہونداہے
سِر وی مونڈھئیں تے بار ہوندے ہن
خود کوں جیرھے اُڈائی ودے ہوندن
خود نُمئی دا شکار ہوندے ہن
بُکھ دی مستی عجیب مستی ہے
مردئیں دم تئیں خُمار ہوندے ہن
چنتے چوہڑے تاں زندگانی دے
راہ دی گرد وغبار ہوندے ہن
شالا یاریں کوں کجھ وی نہ تھیوے
یار زندگی دی بار ہوندے ہن
جمشید ناشاد
No comments:
Post a Comment
Note: only a member of this blog may post a comment.