کلاسیکی پنجابی سرائیکی شاعری
وطن بے گانے ول نہیں آونڑاں یاد کیتم دلدار
کولے رہساں مول نہ سہساں ہجر دا باری بار
وِسریا سارا راج ببانڑاں، وِسر گیا گھر بار
بھانڑ منڑیساں مانڑ نبھیساں گھولے عار و یار
سُرخی کجّل مساگ گیوسے بٹھ پیا ہار سنگار
پاروں ڈسدی جھوک سجنڑ دی کیوں رہساں اروار
میں منتاری تے نیہنھ باری قادر نیسم پار
بٹھ پئی سندھڑی کیتم مولا ملک ملہیر ملہار
دیس عرب دا ملک طرب دا سارا باغ بہار
روہی راوے روہیں رولیس نس گیا کرہوں قطار
ڈینھ ڈکھاندا ڈونگر ڈسدا رات غماں دی غار
ساونڑ آیا، روہی وٹھڑی، بار تھئی گلزار
دار مدار فرید ہے دل کوں ڈوکھڑے تار و تار
خواجہ غلام فرید کوریجہ
No comments:
Post a Comment
Note: only a member of this blog may post a comment.