جدید پنجابی شاعری
مندے رجّی جاندے نیں
عیشاں وٹّی جاندے نیں
باہروں کیہڑا آوے گا
وِچلے ٹھگّی جاندے نیں
آپے راکھے بنڑدے نیں
آپے دبّی جاندے نیں
کھوہ کے ساڈی بُرکی وی
ڈالر منگی جاندے نیں
ساڈا کھا کے سانوں ای
اکھاں کڈّھی جاندے نیں
خُش نیں پَٹ کے لوکاں نوں
اُتّوں کجّی جاندے نیں
تھڑتھلّی پا دِتّی اے
ماڑے کنبی جاندے نیں
ردا میر
No comments:
Post a Comment
Note: only a member of this blog may post a comment.