جدید پنجابی سرائیکی شاعری
میلہ
بابا بابا
تئیں آکھا ہئی میلہ ہوسی
نا کوئی گھوڑا، نیزہ بازی
نا جھمر دا کوئی پڑھ اے
نا کوئی رونق نا کوئی ٹھیلہ
کتھے میلہ؟
اتھاں تاں بس لمبیاں لائناں
لڈیاں ہوئیاں
ہک ڈو گڈیاں
رش ای رش اے
بابا بابا کتھے میلہ؟
بچڑا
جگ تے جیویں شالا
تیکوں پتے ایہو جھا اے
جتھو ساکوں آٹا ملنڑے
کوشش کر کے
آٹے آلا گٹو جھپیں
خوشیاں دا وت ریلہ ڈیکھیں
بچڑا گھر جُل میلہ ڈیکھیں
ذیشان منظور
No comments:
Post a Comment
Note: only a member of this blog may post a comment.