جدید پنجابی سرائیکی شاعری
دل وچوں اے آواز آندی ہے
ڈیکھ ہاں مونجھ چیوو چاہندی ہے
ہجر کھا گئے میکوں تاں مسئلہ نئیں
ہر شئے اپنا نصیب کھاندی ہے
سامنے بھاویں کربلا ہووے
دل کڈاں یار کولوں راہندی ہے
غم میڈی ذات کوں گولیندے ہن
کونج دریا تیں ونج کے لاہندی ہے
میں تیکوں بھل کڈاھیں نمہی سگدا
توں بھلا ڈے جے تیکوں ٹھاندی ہے
میں اوندے پیریں ایں پیاں یوسف
جیویں دیوار بھوئیں تیں ڈھاندی ہے
یوسف سنجرانی
No comments:
Post a Comment
Note: only a member of this blog may post a comment.