جدید پنجابی سرائیکی شاعری
ناں کئی سینگھی ناں سنگتانڑی
ہر ہمسئی ہے لسی تانڑی
پیو دا راجہ ہے بے تاجا
ماء دی رانڑی پیرو رانڑی
دنیا ساری ونگ دے ونگوں
جندڑی شو دی ونگو وانڑی
دل دا مان اچ اتلی تس ہے
سکدی سک گئی تن دی لانڑی
شعر تاں آلھنڑ لفظ پرندے
بیل غزل دی ہنج دا پانڑی
پیونڑی ہے تاں پیونڑی ہے بس
کیا چھانڑی تے کیا انڑ چھانڑی
ول آوے ہا گزریا ویلا
وقت کوں ڈیوے کوئی پھر کانڑی
مخمور قلندری
No comments:
Post a Comment
Note: only a member of this blog may post a comment.