جدید پنجابی سرائیکی شاعری
چہرہ پُھلیں وانگے اکھیں رت ورتیاں ہوسن
بیریں دے وچ شیت کہیں دیاں اکھیں پھتیاں ہوسن
اُوندے گھر دے رستے سارے مُونجھے مُونجھے ڈسدن
اُوندی وستی کُونجاں بن تے اکھیں لتھیاں ہوسن
قصے دے وچ اج تئیں ساکوں بُڈھڑی مئی نی وسری
شیت اساڈیاں چرخے وچ اوں اکھیں کتیاں ہوسن
خابیں دے کئی ٹوٹے چنڑدیں نندراں زخمی تھی گن
ساڈیاں عارف اکھیں اپڑیاں رتیاں رتیاں ہوسن
جام عارف
No comments:
Post a Comment
Note: only a member of this blog may post a comment.