جدید پنجابی شاعری
نظماں مینوں میک اپ کردیاں نیں
میرے لوں لوں دے وچ
جوانی دا جوش چھالاں نئیں ماردا
نہ ای مٹھیاں مٹھیاں گلاں آؤندیاں نیں
بوہتا بَن ٹھَن کے رین دی وی عادت نئیں
بسترے تے وی اُکا اناڑی آں
شکل وی کوئی ایڈی سوھنی نئیں
نہ ہی نچنا ٹپنا آؤندا اے
عالماں فاضلاں دیاں گنجھل بھریاں گلاں وی
اک کنوں سن کے
دوجے کن چوں کڈ دینی آں
یعنی کہ میرے کول کجھ وی ایسا نئیں
جو کسے دا دل کھو لین لئی چاہیدا ہندا اے
پر میں فیر وی دلاں نوں لٹ لینی آں
ہسدیاں روندیاں نظماں دے نال
اقصٰی گیلانی
No comments:
Post a Comment
Note: only a member of this blog may post a comment.