جدید پنجابی شاعری
روکیاں بالکل رُکدا نہیں
اکھ دا اتھرو سُکدا نہیں
اوہیو جگ تے کافر ہوندا
رب اگے جو جُھکدا نہیں
گج وج تیرے نال پایا پیار
عشق مُشک تے لُکدا نہیں
لہجہ یار دا سینے اندر
تیراں وانگر ٹُھکدا نہیں
سلیم نہیں منزل پا سکدا
پیر اگاں جو چُکدا نہیں
ازلوں تیرے ول ٹریا واں
فیر وی پینڈا مُکدا نہیں
محمد سلیم
No comments:
Post a Comment
Note: only a member of this blog may post a comment.