جدید پنجابی شاعری
اُٹھ پنجابی شیرا اُٹھ
کُتیاں پایا گھیرا اٹھ
واجاں مارے دھرتی ماں
مننا حق اے تیرا اٹھ
کھا جا کالیاں راتاں نوں
لے کے نور سویرا اٹھ
دُلّا کھرل تے بھگت ایں تُوں
حاکم بن جا زیرا اٹھ
پاء اج تینوں للکر دائے
شاوا اُٹھ اوئے سیرا اٹھ
اُٹھ وارث دیا وارثا
پا جھنڈیالے پھیرا اٹھ
تڑکے رب نوں سجدہ کر
چُن لے رحمت کیرا اٹھ
ونڈاں پاون والے نوں
پہلا تھپڑ میرا اٹھ
عرفان کھوکھر
No comments:
Post a Comment
Note: only a member of this blog may post a comment.